Home > समाचार > नेपाली कांग्रेसको १३ औँ महाधिवेशनको बन्द सत्र सुरु

नेपाली कांग्रेसको १३ औँ महाधिवेशनको बन्द सत्र सुरु

congress1काठमाडौं- नेपाली कांग्रेसको १३ औँ महाधिवेशनको दोस्रो दिन बन्द सत्र सुरु भएको छ ।

शुक्रवार विहान ७ बजेदेखि दिउँसो १ बजेसम्मका लागि उम्मेदवारको मनोमनयको समय राखिएकाले बन्द सत्र सुरु हुन ढिलाइ हुने भएको हो। मनोनयन दर्ताको समय सकिएपछि भृकुटीमण्डपमा दिउँसो २ बजे बन्दसत्र सुरु भएको छ ।

उम्मेदवारको मनोनयन दर्ता पार्टी कार्यालय सानेपामा राखिएको छ। बन्द सत्रमा कार्यबाहक सभापति रामचन्द्र पौडेलले पेश गर्ने नीति तथा कार्यक्रममाथि छलफल हुने छ। यसैगरी महामन्त्रीद्वय प्रकाशमान सिंह र कृष्णप्रसाद सिटौलाले पेश गरेको संगठनात्मक प्रतिवेदन तथा कोषाध्यक्ष चित्रलेखा यादवको आर्थिक प्रतिवेदनमाथि छलफल हुने छ। बन्दसत्रले पार्टीको भावी नीति तथा कार्यक्रम तय गर्नेछ।

महाधिवेशनमा २ सय ४० वटा निर्वाचन क्षेत्रका २ हजार ८ सय ८०, १८ वटा भातृ संस्था र शुभेच्छुक संस्थाका ९८, विदेशस्थित १७ वटा जनसम्पर्क समितिका १ सय २६ तथा ८४ जना केन्द्रीय सदस्यसहित ३ हजार १ सय ८८ जना प्रतिनिधि सहभागी छन् ।

फागुन २३ गतेसम्म चल्ने महाधिवेशनले आगामी पाँच वर्षका लागि नयाँ नेतृत्व चयन गर्नेछ। नयाँ नेतृत्व चयनका लागि भने राष्ट्रिय सभा गृहमा आगामी २३ गते विहान ९ बजेदेखि ५ बजेसम्म मतदान हुनेछ।

Leave a Reply

Your email address will not be published.